टि–ट्वेन्टी विश्वकप क्रिकेटय् अफ्गनिस्तानं स्कटल्याण्डयात बुकल
कौलागा षष्ठी ११४१, कात्तिक ९ मंगलबाः
विश्वकप ट्वेन्टी ट्वेन्टी क्रिकेटय् अफ्गानिस्तानं स्कटल्याण्डयात सच्छि व ३०गू रनं बुकुगु दु ।
युएईया सारजहाँलय् वंगु चान्हय् जूगु कासाय् अफ्गानिस्तानं तःधंगु अन्तरं कासा त्याकुगु खः । कासाय् अप्mगानिस्तानं बिउगु सच्छि व ९१गु रनया आज्जु लिफ्यागु स्कटल्यान्ड १०गू ओभर २ गः बलय् ६०गू रनय् हे लिकुन ।
स्कटल्याण्डयात याउँक हे कःघायेत अफ्गानिस्तानया मजिब–उर–रहमानं ५गू विकेट काःगु खः । अथेहे रासिद खानं ४गू विकेट काःबलय् नविन अल हकं छगू विकेट काःगु खः ।
थ्वयान्ह्यः नाजिबुल्लाह जद्रानया ५९गू रन लिसें हज्मतुल्ला जजाई व रहमान उल्लाह गुरबाजया ४६गू रनं अफ्गानिस्तानं क्वजिनातःगु २०गू ओभरय् ४गू विकेट तंका सच्छि व ९०गू रनया तःधंगु लक्ष्य खडा याःगु खः ।
विश्वकप टि ट्वेन्टी क्रिकेटय् थौं निगू कासा जुइ । नेपाली ई कथं ३ ता ई जुया ४५गू मिनेटय् दुबइलय् जुइगु कासाय् दक्षिण अप्mिकां वेष्ट इंडीजलिसे म्हितिइबलय् सारजहाँलय् ७ ता ई जुा ४५ गू मिनेटय् पाकिस्तानं न्युजिल्याण्डया सामना याइ ।
