टोकियो ओलम्पिकय् थौं ९गू कासां १८गु तक्माय् धेँधेँबल्ला
दिल्लाथ्व प्रतिपदा ११४१, साउन १० आइतबाः
टोकियो ओलम्पिकय् आःतक्क स्वंगू लुँया तक्मा त्याकाः चीनं ल्याः धलखय् थःगु अग्रता दयेकूगु दु ।
छगू÷छगू लुँया अले छगू÷छगू वहःया तक्मा त्याकूगु इटाली व जापान छसिकथं निगूगु व स्वंगूगु थासय् दु । ३२क्वःगु गृष्मकालीन ओलम्पिकया न्हापांगु दिं म्हिगः ९ देशं लुँया तक्मा त्याकूगु खः ।
वहः व कँय्या तक्मा यानाः मुक्कं २८ देशं तक्मा धलखय् नां च्वकूगु दु । टोकियो ओलम्पिकया निन्हुगु दिं थौं थीथी ९ कासाया १८ लुँया तक्मा क्वःजीत्यंगु दु । ओलम्पिकय् न्हापांगु खुसी दुथ्याकूगु स्केटबोर्डीङया न्हापांगु कासा थौं जुइत्यंगु दु ।
अथे हे, थौं स्वीमिङ, आर्चरी, साईक्लीङ, डाइभिङ, फेन्सीङ, जुडो, सुटिङ, तेक्वान्दो व भारत्तोलन कासाय् लुँया तक्माया धेंधें बल्लाः जुइत्यंगु दु ।
Categorized in कासा
