टोखाय् नेपाल संवत न्हुदँ ११३८ तजिक हन
लहनान्युज | कछलाथ्व पारु ११३८ (अक्टुवर २० २०१७)
टोखा नेवाः गुथिया ग्वसालय् नेपाल संवत न्हुदँ ११३८ तजिक न्यायेकुगु द । सास्कृतिक जुलुस सहित टोखा नगर चाहिला छगु सभा न यागु दु ।
उगु ज्याझ्वलय् मूपाहां कथं टोखा नगरपालिकाया मेयर प्रकाश अधिकारी झायादीगु खःसा पाहाँ कथ टोखा नगरपालिकाया उप मेयर ज्ञानमाया डंगोल, टोखाया मूनायः भोजराज जोशी, वडा अध्यक्षपिं दीपकराज जोशी व सिहराज श्रेष्ठ झायादीगु खः ।
थःगु नुगः तयेग्ु उगु झ्वलय् टोखा नगरपालिकाया मेयर प्रकाश अधिकारीं नेपाल संवत नेपाःया मौलिक सवत खँ धयादिसे थुकियात झीसं हे संरक्षण याये मा धकाः धयादीगु खः । टोखाय् दुगु कला सस्कृतियात संरक्षण यायेत टोखा नगरपालिकां माःगु कथं आर्थिक ग्वाहालि यायेत तयार दु धःका बचं न बियादीगु खः ।
टोखा नेवाः गुथिया सल्लाहकार गणेशमान श्रेष्ठया सभाध्यक्षय् उगु ज्याझ्वः जुगु खः ।
