टोटनहम युरोपा लिगय् ३–१ गोल त्याकल
मनिष | अनलाथ्व नवमी ११४०,असोज ९ शुकूवाःः
प्रिमियर लिग क्लब टोटनहम युरोपा लिगया स्वगूगु चरणया क्वालिफाइङ राउण्डय त्याकूगु दु। म्हिगः बिहीवाः चान्ह्य जूगु कासाय् स्केन्डिजायात ३–१ गोल त्याकूगु दु।
टोटनहमया लागि एरिक लामेला, सन हिउङ मिन व ह्यारी केनं छगु छगु गोल याःगु खः । उगु कासाय् स्केन्डिजाया लागि भाल्मिर नाफ्लुं गोल याःगु खः।
न्हापाःगु हाफय् १–० गोलं न्ह्यने लाना च्वंगु टोटनहमं मेगु निगु गोल निगु हाफय् याःगु खः । कासाय् न्याःगु मिनेटय् एरिकं न्हापागु गोल टोटनहमया लागि याःगु खः। अथेहे मेग ५५ गु मिनेटय् स्केन्डिजाया लागि भाल्मिरं छगु गोल यासे १–१ बराबरी याःगु खः।
टोटनहमया लागि मेगु गोल ७० गु मिनेटय् सनं व ७९ गु मिनेटय् केन गोल यासे ३–१ गोलं याउक त्याकुगु खः।
Categorized in कासा
