डा.केसीयात सासः ल्हायेगु समस्या वयेवं अक्सिजन बिल
लहानान्युज | अनलागा ३ ११४०,असोज १८ आइतवा
२१ दिं निसे सत्याग्रह च्वना च्वम्ह डा. गोविन्द केसीयात सासः ल्हायेगु वयेवं अक्सिजन बिःगु दु। केसीया ग्वाहालिमि प्रितम सुवेदीं सासः ल्हायेगु समस्या समस्या वःगु धका धाःगु दु।
सरकारं डा. केसीया सत्याग्रहयात बेवास्ता याःगु धका सुवेदी धाःगु खः। डा. केसीं थ्व स्वया न्ह्यः न वासः छु हे मनगुलि स्वास्थ्य थप समस्या वःगु धका जानकारी बिःगु दु।
डा. केसीं वःगु भदौ २९ गते खुगु बुँदे माग तया जुम्लाया छगु देगलय् सत्याग्रह सुरु याःगु खः। सत्याग्रहया गुन्हुया दिं येँया त्रिवि शिक्षण अस्पतालय् सत्याग्रह च्वंवःगु इलय् प्रहरीं अपहरण शैलीइ ट्रमा सेन्टरय् यकूगु खः।
डा. केसीं मास्क छ्यलिगु व दूरीयात अनिवार्य याना पीसीआर परीक्षण व्यापक याये माःगु, लकडाउन व निषेधाज्ञा अन्त्य याना, कोभिड व मेमेगु ल्वयया बिरामीया लागिया तक उचित उपचारया व्यवस्था यायेत इनाप याःगु खः।
थ्व स्वया न्ह्यः सरकारं १० साउन ०७५ य् याःगु सम्झौताया कथं चिकित्सा शिक्षा ऐनय् संशोधन यायेगु, त्रिवि चिकित्साशास्त्र अध्ययन संस्थानय् वरिष्ठता मिचे याना याःगु नियुक्ति भिंके माःगु दक्को पदय् वरिष्ठताया आधारय् नियुक्ति याये माःगु माग तःगु खः।
Categorized in राष्ट्रिय
