डोटीइ क्वारेन्टिनय् छम्ह सीत
लहनान्युज | तछलागा द्धितीया ११४०,जेठ २५ आइतवाः
डोटीया क्वारेन्टिनय् च्वम्ह छम्ह सीगु दु । जिल्लाया केआई सिंह गाउँपालिका–३ या सिताराम आधारभूत स्कूलया क्वारेन्टिनय् च्वम्ह १९ दँ दुम्ह मनू सीगु खः ।
भारतया लुधियानापाखे वःम्ह उम्ह मनू १९ गते डोटी वया २० गते निस गाउँपालिकाया व्यवस्थापन संचालन याना च्वंगु क्वारेन्टिनय् च्वना च्वम्ह खः ।
थौं आइतवाः सुथय् ३ बजे मदुगु खः ।
उम्ह मनू मुटुया रोगी जुगु धका धाःगु दु ।
अनया क्वारेन्टिनय् स्वम्ह मिसा नाप झीम्ह च्वना च्वंगु खः ।
घटनास्थलय् प्रहरी टोली थ्यःके धुकुगु दु ।
स्वाबया लिच्वः मवः तले शव प्रहरीया निगरानीइ तयातःगु दु ।