तालिवानीविरुद्धया कारबाहीया नितिं अमेरिकी ग्वहालि न्ह्यनाहेच्वनिगु
दिल्लागा द्धितिया ११४१, साउन ११ सोमबाः
अमेरिकां तालिवानीविरुद्धया कारवाहीया नितिं अफगानी सेनायात ग्वहालि न्ह्याकातयेगु न्ह्यथंगु दु ।
अमेरिकी सेना लिहाँवंगु लिसें अफगानिस्तानय् तालिवानीतयेसं सशस्त्र ज्यापहः तच्वयेधुंका अमेरिकी सेनां तालिवानीविरुद्ध हवाइ हताः न्ह्याकातयेगु न्ह्यथंगु खः । तालिवानीं लिपांगु छुं वालंनिसें अफगानिस्तानया ग्रामीण इलाकाय् थःगु ज्यापहः तच्वयेकुगु लिसें आपालं क्षेत्र थःगु नियन्त्रणय् दूगु दावी यानावःगु दु ।
वइगु सेप्टेम्बर २० तक्क थःपिनि सेना लितयंकेगु अमेरिकाया घोषणालिसें आफगान सरकारलिसे विद्रोहीया शान्ति वार्ता प्रक्रिया नं न्ह्यानाच्वंगु दु । तर उगु इलय् विद्रोहीं थःगु सशस्त्र ज्यापहःयात झं तच्वयेकुगु लिसें अमेरिकी सेनां हवाइ हताः मार्फत अफगान सेनायात ग्वहालि यायेगु प्रतिवद्धता न्ह्यथंगु समाचार संस्था रोयटर्सं न्ह्यथंगु दु ।
अमेरिकी सेनाया जनरल मरीन केनेथं काबुलय् थःगु सेनाया नेतृत्वय् तालिवानीविरुद्धया कारवाही न्ह्याकातयेगु धयादीगु खः । अफगान व अमेरिकी अधिकारीतयेसं न्ह्यानाच्वंगु शान्ति वार्ताय् युद्धया क्षति न्यूनिकरण याना मू शहर व सीमा उखे वनेगु पूर्वाधारया सुरक्षाय् खटे यायेमाःगु धयावःगु दु ।
Categorized in अन्तर्राष्ट्रिय
