तेक्वान्दो डोजाङ्गय् ग्रेटिङ्ग दसिपौ लःल्हात
लहानान्युज | अनलागा ११ ११४०,असोज २७ मंगलवाः
जैशिदेवल य्ुथ क्लबपाखें न्ह्याका वयाच्वंगु जैशिदेवल तेक्वान्दो दोजाङ्गय् प्रशिक्षार्थी तेक्वान्दो कासामिपिन्त ग्रेटिङ्ग दसिपौ लःल्हाय्गु ज्या जुल ।
दच्छि न्ह्यःनिसें प्रशिक्षण बिया वयाच्वंगु थुगु डोजाङ्ग प्रशिक्षणय् थ्यंमथ्यं ७५म्ह कासामिपिन्त ब्वति कया वयाच्वंगु खः । उगु् ज्याझ्वलय् रेफ्री, ७ दान राजेश प्रजापतिलिसें ब्लाय्कबेल्ट अंकित राई प्रशिक्षण बिया वयाच्वंगु खः ।
प्रशिक्षण, कासा व कासामिया अवस्थाकथं स्वला, खुलाया ग्रेटिङ्ग ज्याझ्वः जुइगु खः । उगु ज्याझ्वलय् ४५म्हेसित ग्रेटिङ्गया दसिपौ लःल्हाःगु खः।
क्लबया नायःलिसें अन्तर्राष्ट्रिय रेफ्री ७ दान राजेश प्रजापतिया अध्यक्षताय् जूगु उगु ज्याझ्वलय् तेक्वान्दोय् निक्वःतक राष्ट्रिय च्याम्पियन अन्तर्राष्ट्रिय कासामिलिसें चलचित्र संघया नायः मधुसुदन प्रधान मूपाहाँकथं झायादीगु खः।
Categorized in कासा
