त्रिवि शिक्षण अस्पतालय् पीसीआर जाँच याइगु
लहनान्युज | तछलाथ्व तृतीया ११४०,जेठ १२ सोमवाः
त्रिवि शिक्षण अस्पतालय् थौं न निसे आरटी–पीसीआर विधिपाखे कोरोना परीक्षण सुरु याये त्यःगु दु ।
शिक्षण अस्पताल च्वंगु पीसीआर मेसिन तन्हु निसे स्यना च्वंगुया कारण सेवा सुरु मजुगु खः।
कीर्तिपुरय् च्वंगु माइक्रोबायोलोजी विभागया ट्रफल रिसर्च प्रोगामय् च्वंगु पीसीआर मेसिन महाराजगञ्जय् सारे याना थुगु सेवा सुरु याये त्यःगु खः ।
कीर्तिपुरया हे टोलीपिन्स च्यान्हु बिका थुगु ल्याब तयार याःगु खः ।
मेसिन स्थानान्तरण लिपा प्राविधिक कमिटी गठन याना परीक्षण सुरु यायेत राष्ट्रिय जनस्वास्थ्य प्रयोगशाला तक अनुमति बिइ धुकुगु दु ।
उगु ल्याबय् छकल हे ९६ नमूनाया परीक्षण याये फइगु थुगु मेसिनय् कम्ती न २४ गु नमूना जम्मा जुलकि परीक्षण यायेगु नियम दयेका तःगु दु ।
