थः प्रधानमन्त्री जुइगु गच्छदारया दाबी
लहनान्यूज | चौलाथ्व नवमी ११३७ (अप्रिल ५ २०१७)
मधेशी जनअधिकार फोरम लोकतान्त्रिक, राष्ट्रिय जनमुक्ति पार्टी व दलित जनजाति पार्टी दथुइ एकता जूगु दु ।
थौं राजधानीइ छगू ज्याझ्वः यानाः पार्टी एकताया घोषणा याःगु खः । एकता लिपा पार्टीया नां नेपाल लोकतान्त्रिक फोरम तःगु दु ।
एकता लिपा न्हूगु पार्टिया नायः विजयकुमार गच्छदारयात हे ल्यःगु द । आः थुगु पार्टि संसदय् न्यागूगु तःधंगु दल जूगु दु ।
आः संसदय् नेपाल लोकतान्त्रिक फोरमया १७ सांसद दइ ।
पार्टी एकता घोषणा ज्याझ्वलय् नेपाल लोकतान्त्रिक फोरमया नायः विजयकुमार गच्छदारं चुनावय् थःपिं स्वंगूगु तःधंगु शक्ति जुइगु दाबी यानादिल । लिसें नायः गच्छदारं लिपा थः हे प्रधानमन्त्री जुइफुगु तकं धयादिल ।
