स्पेनिस टेनिस कासामि रफाइल नदालं विश्व टेनिसय् २१गू ग्राण्डस्लामया उपाधि त्याकाः कीर्तिमान दयेकूगु दु ।

अष्ट्रेलियन ओपनया उपाधि त्याकाः नदाल आधुनिक टेनिसया दकले ताःलाःम्ह कासामि जूगु दु । अष्ट्रेलियाया मेलबर्नय् म्हिगः जूगु फाइनल कासाय् रुसया डानिल मेद्भेदेभयात ३–२ ल्याया सेटय् बुकाः नदाल सर्वकालिन कासामि जूगु खः ।

सुरुवाती निगू सेट मेद्भदेभं ६÷२ व ७÷६ ल्यां त्याकूगु खःसां अनलिं स्वंगू सेट ६–४, ६–४ व ७–५ ल्यां त्याकाः नदालं इतिहास दयेकूगु दु । ३५दँया नदालया थ्व निगूगु अष्ट्रेलियन ओपनया उपाधि खः ।

नाडालं २००९ सालय् न्हापांखुसि अष्ट्रेलियन ओपनया उपाधि त्याकूगु खः । नाडालं फ्रेन्च ओपन १३क्व तक, विम्बल्डन २क्व अले युएस ओपन ४क्व तक त्याकूगु दु ।

सर्वियाया नोभाक जोकोभिच व स्विट्जरल्याण्डया रोजर फेडररं ज्वःलाक्क २०क्व–२०क्व तक ग्रान्डस्लामया उपाधि त्याकूगु दु ।

Categorized in कासा