थौ गन गन पिहा वल संक्रमितपि
लहनान्युज | दिल्लागा द्धादशी ११४०,श्रावण २ शुक्रवाः
वःगु २४ घण्टाय् थप १०१म्ह कोरोना भाइरस (कोभिड (१९) या संक्रमण पुष्टि जूगु दु । उकि मध्ये छम्ह सीगु दु ।
मन्त्रालयया कथ सप्तरीया ७३ दँ दुम्ह छम्ह मिजंम्ह वीपी कोइराला स्वास्थ्य विज्ञान प्रतिष्ठानय् सी गु दु । वयात मंगलवाः अस्पताल भर्ना याःगु खः सा वयागु बुधवाः स्वाब संकलन याःगु खः ।
वयागु बिहीवाः बहनि कोरोना संक्रमण जूगु रिपोर्ट वःगु खःसा वयागु छू घण्टाय् सी गु खः ।
थौ गन गन जूल संक्रमित ?
स्वास्थ्य तथा जनसंख्या मन्त्रालयया कथं दकलय् अप्व लमजुङय् २२म्हेसित संक्रमित जूगु दु ।
अथेहे रोल्पाय् १३म्ह, बर्दियाय् १०म्ह, रौतहट व धनुषाय् च्याम्ह च्याम्ह, तनहुँय् न्हयम्ह, दाङय् न्याम्ह नवलपुर व बाराय स्वम्ह स्वम्हेसित संक्रमण पुष्टि जूगु दु ।
झापा, मोरङ, पर्सा, नुवाकोट व ख्वय् िनिम्ह निम्ह नाप सप्तरी, मकवानपुर, सिन्धुली, काभ्रे, येँ, पाल्पा, रुपन्देही, सल्यान, रुकुम पश्चिम, डडेलधुरा, बझाङ व डोटीइ छम्ह छम्हेसित कोरोना संक्रमण जूगु दु ।
थ्व नाप नेपालय् संक्रमित पिनिगु ल्याः १७४४५म्ह थ्यःगु दु । उकि मध्ये ४०म्ह सी धूकुगु दु सा वास याका छेँ लिहा वःपि ११५३४म्ह थ्यःगु दु ।
वःगु २४ घण्टाय् जक २८५म्ह डिस्चार्ज जूगु दु ।
