थौ न निसे दक्को पास रद्द
लहनान्युज | बछलाथ्व नवमी ११४०,जेष्ठ ३ शनिवाः
लकडाउनया इलय् जिल्ला दुने सवारी साधन सन्चालन यायेत जारी याःगु दक्को प्रकारया पास थौं न निसे रद्द याःगु दु । थ्व स्वया न्ह्य छगु जिल्ला मेगु जिल्लाय् वनेगु पास जेठ १ गते निसे हे रद्द याःगु खः ।
गृहमन्त्रालयं शुक्रवाः हाकनं मेगु सूचं जारी यासे जेठ ३ गतेनिसे जिल्ला दुने सवारी पास न रद्द यायेगुे जानकारी बिःगु खः । उगु सूचंया आधारय् जिल्ला प्रशासन कार्यालय मेगु सूचं जारी याना सवारी पास रद्द यायेगु जानकारी बिःगु खः ।
कोरोना संक्रमितपि यक्को पिहा वःगुलि लकडाउनयात कडा यायेगु नीति कथं दक्को प्रकारया पास रद्द यानागु धका गृहमन्त्रालयं धाःगु दु । थ्व स्वया न्ह्यः गृहमन्त्री, काठमाडौं उपत्यकावया प्रमुख जिल्ला अधिकारी व जनप्रतिनिधिपिनिगु मंकाः बैठकं लकडाउनयात कडा यायेगु निष्कर्ष पिकाःगु खः ।
काठमाडौं जिल्लाय् दुने धाःसा जिल्ला प्रशासन कार्यालयया वेबसाइटय् तःगु सूचंया प्रक्रिया पूरा याना पास काये फइगु धका गृह मन्त्रालयं धाःगु दु ।
