दक्षिण अफ्रिकाय् कोरोना सङ्क्रमितपि १० लाख स्वया अप्वो थ्यने धुकुगु दु ।

वःगु २४ घण्टाय् जक गुद्धःव न्यासः म्हेसित सङ्क्रमण पुष्टि जुगु दु। थ्व नाप दक्षिण अफ्रिकाय् कोरोना भाइरस सङ्क्रमितपि १० लाख प्यद्धः स्वया अप्वो थ्यःगु दु धका बीबीसीं धाःगु दु।

दक्षिण अफ्रिकाय् याकन फैलै जुइपि न्हगु कोरोना भाइरस पिहावःगु दु धका अनायापि अधिकारीपिन्स पुष्टि याःगु दु। न्हुगु प्रकारया भाइरस पिहावःगु नाप सङ्क्रमण याकन फैलै जुइवं राष्ट्रपति सिरिल रामाफोसा न भाइरस फैलै जुइक मबित कडा प्रतिबन्धया घोषणा यायेत्यःगु दु।

दक्षिण अफ्रिकाय् कोरोना सङ्क्रमणपाखे २६ हजार ७३५ म्ह सी धुकगु दु। दक्षिण अफ्रिका नाप सङ्क्रमितपि १० लाख स्वया अप्वो जुगु देशया धलखय् १८ गु थ्यःगु दु।

Categorized in अन्तर्राष्ट्रिय