दिल्लीं राजस्थानयात ४६ रनं त्याकल
मनिष | अनलागा ८ ११४०,असोज २४ शनिवाः
इन्डियन प्रिमियर लिग (आईपीएल) टी–२० क्रिकेटय् दिल्ली क्यापिटल्स शीर्ष थासय् थ्यःगु दु। म्हिगः शुक्रवाः चान्हय जूगु कासाय् दिल्लीं राजस्थान रोयल्सयात ४६ रनं बूकुगु खः।
टस बुया न्हापा ब्याटिङ याःगु दिल्लीं २० ओभरय् ८ विकेट गुमे याना १८४ रन दयेकूगु खः। दिल्ली १२ रनय् न्हापागु विकेट गुमे याःगु खः। दिल्लीया लागि ओपनर शिखर धवन ५ रनय् हे आउट जूगु खः।
मेम्ह ओपनर पृथ्वीं १९ रनय् आउट जुइवं दिल्ली ४२ रनय् निगु विकेट वःगु खः। अथेहे कप्तान श्रेयस ऐयर २२ रनय् आउट जुगु इल ५० रन जुगु खः। ७९ रन जुगु इलय् दिल्लीया प्यःगु बिकेट रिसव पन्त न्यागु रन दयका पेभेलियन लिहावःगु खः। दिल्लीया लागि मार्कुस स्टोनीस न ३९ रन लिहा वःगु खः। सिमरोन हिटमेयर ४५ रनया योगदान याःगु खः। मेपि अक्सर पटेलं १७ व हर्षल पटेलं १६ रनया योगदान याःगु खः।
बलिङय् राजस्थानया लागि जोफ्रा आर्चर न स्वगु विकेट काःगु खः। राजस्थान १९ ओभर ४ बलय् १३८ रनय् अलआउट जूग्ु खः। खराब सुरुवात याःगु राजस्थानं १५ रनय् न्हापागु विकेट वःगु खः।
राजस्थानया लागि जोस बट्लरं १३ रन, स्टिभ स्मिथ २४ रन, यसस्वी जैसवाल ३४, सञ्जु सामसन ५,व महिपाल लोमोर न छगु रन, एन्र्डु तेई ६ रन, जोफ्रा आर्चर निगु रनया योगदान याःगु खः।
राजस्थानया लागि राउल टेवाटिया न दलकय् अप्वा ३८ रन दयेकूगु खः। आः जुया च्वंगु कासाया लिगय् दिल्ली खुगु कासाय् १० अंक दु सा राजस्थानया खुगु कासाय् प्यःगु कासा बुगु दु। वयागु प्यंगु ल्याः दु।
Categorized in कासा
