दिवंगत पत्रकार विक्रम शाक्यया छेँजःपिन्त ग्वाहालि
लहनान्युज | अनलागाः पञ्चमी ने.सं. ११४० (असाेज २१, २०७७) बुधवाः
नेपाली काँग्रेस यल महानगरपालिका १६ वडा इकाईपाखें मदुम्ह पत्रकार विक्रम शाक्यया छेँजःपिन्त झिद्वः तका आर्थिक ग्वाहालि याःगु दु । नेपालभाषा, लिपि, बौद्धधर्म, संस्कृति, सम्पदा क्षेत्रय् प्रकाशन, प्रशारण निगूलिं माध्यमं मूवंगु योगदान यानादीम्ह शाक्य वंगु असोज १५ गते मदुगु खः ।
इकाईपाखें सभापति रविन्द्र शाक्यं मदुम्ह शाक्यया जहान धन शाक्ययात उगु ग्वाहालि लःल्हानादीगु खः । यल महानगरपालिका वडा २० अध्यक्ष चन्द्र महर्जन, नेवाः पत्रकार राष्ट्रिय दबूया नायः सुरजवीर बज्राचार्य, इकाईया सचिव प्रताप शाक्य, वडा सदस्य धनकाजी शाक्यया उपस्थितिइ वडाया ज्याकुथिइ ग्वाहालि लःल्हायेगु ज्या जूगु खः ।
