देय् दबूया जात्रा पर्व सम्बन्धि विज्ञप्ति
गुँलाथ्व पारु ११४१, साउन २५ गते सोमबाः
देय्न्यंकंया नेवाःतय्गु मंका संस्था नेवाः देय् दबुलिं सचेत जुयाः जात्रापर्व हनेत इनाप याःगु दु ।
दबुलिं विज्ञप्ति सार्वजनिक यानाः कोरोना भाइरसया ग्याचिकू अझ न दुगु धासें धार्मिक व सांस्कृतिक ज्यापहः सुरक्षित जुयाः यायेत इनाप याःगु खः । नेवाःतय् दच्छियंकं नखःचखः व जात्रापर्व दइगु जूसां औपचारिक रुपं गथांमुगःनिसें न्ह्याइगु धकाः विज्ञप्तिय उल्लेख यानातःगु दु ।
अथेजूगुलिं साउन २२ गते दबूलिं सामाजिक सञ्जालमार्फत विज्ञप्ति सार्वजनिक यानाः पर्व हनेबलय् सुरक्षित जुयाः हनेत इनाप याःगु खः । झीसं हनावयाःगु गौरवमय नखःचखः, गुंलाधर्म, लाखेजात्रा, गुंपुन्हिलिसे फुक्क कथंया जात्रापर्व हनेगु झ्वलय् सम्भावित कोरोनाया महामारी व संक्रमणयात ध्यानय् तयाः हनेमाः धकाः विज्ञप्तिइ उल्लेख याःगु दु ।
नेपाल सरकार व विश्व स्वास्थ्य संगठनं तकं थ्व ईलय् स्वास्थ्य सुरक्षायात मध्यनजर यानाः जात्रापर्व हनेत धाःकथं दबुलिं उकियात मनन यानाः जात्रापर्व हनेत इनाप याःगु खः ।
Categorized in राष्ट्रिय
