२०८० चैत्र १५, बिहिबार

देय् यकं ८१८म्ह डिस्चार्ज

लहनान्युज | ञंलागा ८ ११४०,भाद्र २५ बिहीवाः

नेपालय् आःतक ३५ हजार ७ सय म्ह कोरोना संक्रमित डिस्चार्ज जुइ धुकुगु दु धका स्वास्थ्य तथा जनसंख्या मन्त्रालयं धाःगु दु । थ्व ल्याः धइगु संक्रमितपि ७० प्रतिशत खः ।
 
वःगु २४ घण्टाय् देय् यकं १ हजार ८१८म्ह कोरोना संक्रमित डिस्चार्ज जुइ धुकुगु दु । थ्व नाप  नेपालय् ३५ हजार स्वया अप्वो वासः याना छेँ लिहा वने धुकुगु दु ।
 
आःतक नेपालय् कोरोना संक्रमितपि ५० हजार ४६५म्ह थ्यःगु दु । वःगु २४ घण्टाय् १२४६ म्ह जक कोरोना संक्रमण खने दुुगु धका मन्त्रालयया प्रवक्ता डा. जागेश्वर गौतमं मिडिया ब्रिफिङय् धाःगु खः ।
 
वःगु २४ घण्टाय् ११ हजार १४४म्हेसिगु पीसीआर परीक्षण याःगु खः । आःतक क्वारेन्टाइनय् च्वपि ५ हजार ८०६ म्ह थ्यःगु दु ।
 
आःतक देय् यकं पीसीआर परीक्षण ८ लाख १० हजार ४८५म्हेसिगु याये धुकुगु दु धका मन्त्रालयं धाःगु दु ।
Categorized in राष्ट्रिय