नाइजेरिया अफ्रिका कप अफ नेशनया स्वंगूगु थासय्
लहनान्यूज | ने.सं. ११३९ दिल्लागा दुतिया (१८ जुलाइ, २०१९), विहिवाः
अफ्रिका कप अफ नेसन कासाय् नाइजेरिया स्वंगूगु थासय् लाःगु दु ।
इजिप्टया अल सलाम रंगशालाय् स्वंगूगु थाय्या नितिं थौं जूगु कासाय् नाइजेरियां ट्यूनिसियायात छगू गोलं बुकल ।
उगु कासाय् नाइजेरियाया नितिं ओडिओन घालों गोल याःगु खः । कासाया स्वंगूगु मिनेटय् हे घालों गोल यासें नाइजेरियायात न्ह्यःने लाकूगु खः ।
तर, कासा जःछि नाइजेरिया दबाबय् म्हितूगु खः । रक्षात्मक कासा म्हितूगु नाइजेरियां न्हापांगु हाफय् छगू गोलं लाःगु अग्रतायात निगूगु हाफय् नं कायम हे यानातसें कासा थःगु पक्षय् लाकूगु खः ।
अफ्रिका कप अफ नेशनया फाइनल कासा कंसं २० तारिखय् जुइत्यंगु दु । उपाधिया नितिं सेनेगल व अल्जेरिया दथुइ धेंधेंबल्ला जुइ ।
Categorized in कासा
