नापी ज्याकूया सर्वेक्षक व लेखापढीयात घुसलिसें ज्वन
लहनान्युज | ने.सं. ११३९ बछलागा षष्ठि (२४ मे, २०१९), शुक्रवाः
नापी कार्यालय सक्व, येँया सर्वेक्षक व छम्ह लेखापढी व्यवसायीयात अख्तियारया पुचलं घुसलिसें नियन्त्रणय् काःगु दु ।
नापी सर्वेक्षक श्यामकृष्ण न्यौपाने व लेखापढी व्यवसायी विष्णु केसीयात १गू लख ५०द्वः तका घुसलिसें ज्वंगु अख्तियार दुरुपयोग अनुसन्धान आयोगं जानकारी ब्यूगु दु ।
जग्गा हालसाविक यायेगु प्रयोजनया नितिं घुस फ्वंगु सूचंया लिधंसाय् अख्तियारया ज्याकू टंगालपाखें खटेजूगु पुचलं निम्हेसितं ज्याकू परिसरपाखें हे नियन्त्रणय् काःगु नं अख्तियारं न्ह्यथंगु दु ।
Categorized in अपराध
