२०७८ मङ्सिर २१, मंगलबार

निगूगु संस्करणया मिस युनिभर्स नेपालया ताज सुजिता बस्नेतयात

कौलागा दशमी ११४१, कात्तिक १४ आइतबाः

निगूगु संस्करणया मिस युनिभर्स नेपाल २०२१ या उपाधि सुजिता बस्नेतं त्याकुगु दु ।

‘मिस युनिभर्स नेपालया उपाधि त्याकुगुलिसें वइगु डिसेम्बर १२ य् इजरायलय् जुइगु ७०क्वःगु ‘मिस युनिभर्स’ धेंधेंबल्लाय् सुजितां नेपाःया पाखें प्रतिनिधित्व याइगु जूगु दु । त्याकुमि बस्नेतं  १० गू लख तका सिरपाः व हीराजडित ताज चूलाकुगु दु ।

दरबारमार्गस्थित याक एण्ड यति होटलय् म्हिगः सनिलय् क्वचागु ‘मिस युनिभर्स नेपाल’ या निगूगु संस्करण अन्तर्गत १५म्ह प्रतिस्पर्धीयात लिउने लाका धेंधेंबल्लाया मू उपाधि त्याकुगु खः ।

ज्याझ्वलय्  नीना कान्त मण्डल फस्ट रनर अप जुल । अथेके  रक्षा उप्रेती सेकेन्ड रनरअप,  प्रतिक्षा महरा क्षेत्री थर्ड रनरअप व डा.केशु खड्का फोर्थ रनरअप घोषित जूगु खः ।

‘मिस युनिभर्स नेपाल’या थगुने जूगु न्हापांगु संस्करणया उपाधि आंशिका शर्मां त्याकुगु खः ।

Categorized in मनोरन्जन