२०८० चैत्र १६, शुक्रबार

नेकपाया स्थायी कमिटी बैठक थौं च्वनिगु

लहनान्युज | ञंलागा ९ ११४०,भाद्र २६ शुक्रवाः

असार १८ गतेनिसे च्वने मफया च्वंगु सत्तारूढ नेपाल कम्युनिस्ट पार्टी (नेकपा) स्थायी कमिटीया बैठक थौं शुक्रवाः च्वने त्यःगु दु ।
 
प्रधानमन्त्रीया सरकारी निवास बालुवाटारय् उगु स्थायी कमिटी बैठकं कार्यदल न तयार याःगु प्रतिवेदन प्रस्तावया रूपय् पेस याये त्यःगु दु ।
 
पार्टी महासचिव विष्णु पौडेल नेतृत्वया कार्यदलं तयार याःगु सुझाव प्रतिवेदनयात अध्यक्षद्वय केपी शर्मा ओली व पुष्पकमल दाहाल प्रचण्डं हेरफेर याःगु प्रस्तावया रूप बिःगु खः ।
 
दक्को स्थायी कमिटी सदस्यपिन्त इमेलपाखे उपलब्ध याकुगु प्रस्ताव पारित याना स्थायी कमिटी बैठक थौं टुङ्गे याइगु सम्भावना याये त्यःगु खः ।
 
असार १० गतेपाखे सुरु जुगु स्थायी कमिटी बैठक असार १४ गते प्रधानमन्त्री ओलीया अभिव्यक्ति लिपा ह्युगु खः ।
 
विवाद लिपा असार १८ गते धुका स्थगित जुया च्वंगु खः ।
Categorized in राजनीति