नेपाः व इराक दथुया मैत्रीपूर्ण कासाय् नेपाल बुत
कछलागा चर्तुर्थी ११४१, जेठ २६ आइबाः
इराकलिसें जूगु मैत्रीपूर्ण फुटबल कासाय् नेपाल ६२या गोल अन्तरं बूगु दु ।
इराकया बरसाया अल फेहा रंगशालाय् जूगु कासाय् न्हापांगु हाफय् नेपालं २गू गोल याबलय् इराकं ४गू गोल यात ।
कासाया न्हेगु मिनेटय् इराकया अला अब्दुल जहारां इराकयात न्ह्यने लाकल । अथेहे नेपालं नं इराकं याःगु गोलया १गू मिनेटय् हे अञ्जन विष्टं थ्वाःगु गोलय् परिणत जुल ।
कासाया २९गू मिनेटय् नेपालया मनिष डाँगी गोल याना २१ या डेब्यू यात । इराकी डिफेन्डर व गोलकिपरयात छखे लाका बलयात पोष्ट दुने छ्वःगु खः ।
बाघौ तक्क बाँलाक्क म्हितुगु कासा वयां लिपाः धाःसा म्हो जुया वंगु खः । थुकिया ह्वःता कथं इराकी टोलीं ३९गू मिनेटय् मोहम्मद अब्दुलजहारां व वयां लिपाः न्याकू मिनेटय् अयमन हुसेनं प्यंगुगु गोल याना न्हापांगु हाफ दुने इराकं ४२ या स्थिति थ्यंकूगु खः ।
निगूगु हाफया ६७ व ७५गू मिनेट अलि अलशमारी व सज्जाद जसीमंया गोलं ६२ गोल अन्तरं कासा क्वचाःगु खः ।
२०दँ न्ह्यः या इराक व नेपाः दथुया कासाय् नं इराकं ४२ या गोलं त्याकूगु खः
Categorized in कासा