नेपालय् ३८१म्हेसित कोरोना संक्रमण पुष्टि
लहनान्युज | गुंलागा २ ११४०,साउन २१ बुधवाः
बुधवाः नेपालय् ३८१म्हेसित कोरोना संक्रमण पुष्टि जूगु दु । स्वास्थ्य तथा जनसंख्या मन्त्रालयया कथं आः तक संक्रमितपि २१ द्धः व ३९० म्ह थ्यःगु दु ।
आः तक आइसोलेसनय् ६ द्धः व १७४म्ह च्वना च्वंगु दु ।
अथेहे थौं कोरोना संक्रमण १३० म्ह डिस्चार्ज जूगु दु । आःतक १५१५६म्ह डिस्चार्ज जुइ धुकुगु दु ।
स्वास्थ्य तथा जनसंख्या मन्त्रालयया कथं थौं बुधवाः पर्साय् १५१म्ह, येँ ५७म्ह, बाराय् २८म्ह, महोत्तरी व स्याङ्जाय् १७म्हेसित कोरोना संक्रमण पुष्टि जूगु दु ।
अथेहे मोरङय् १४म्ह, बाँकेय् १३म्ह, धनुषाय् १२म्ह, बझाङय् ११म्ह, सुर्खेतय् १०म्ह, कपिलवस्तुइ गुम्ह, सप्तरी च्याम्ह, यल व सर्लाहीइ न्याम्ह न्याम्हेसित कोरोना संक्रमण पुष्टि जूगु दु ।
कोरोना संक्रमितपि मकवानपुरय् प्यम्ह, गोरखाय् स्वम्ह, सुनसरी व इलाम, रौतहट, सिरहा, धादिङ व बागलुङय् निम्ह निम्ह उदयपुर, सिन्धुपाल्चोक, कास्की, दाङ व कालीकोटय् छम्ह छम्हेसित कोरोना जुगु दु ।
