नेपाली कांग्रेसया पदाधिकारी मुँज्या थौं च्वनिइगु
लहानान्युज | थिंलाथ्व द्धितीया ११४१, पुस १ गते
प्रमुख प्रतिपक्षी दल नेपाली कांग्रेसया पदाधिकारी मुँज्या थौं च्वनेत्यंगु दु ।
पार्टी सभापति शेरबहादुर देउवा निवास भुइजःसिइ थौं न्हिनय् १ताः इलय् च्वनीगु मुँज्याय् सरकारं हःगु अध्यादेश व देय्न्यंक काँग्रेसं याःगु विरोध सभाया समीक्षा लिसें नाप उगु विषयस सहलह जुइगु धका मुख्यसचिव कृष्णप्रसाद पौडेलं जानकारी बियादिगु खः।
मुँज्याय् पदाधिकारी व पूर्वपदाधिकारीया ब्वति दइगु धाःगु दु । कोरम मगानाः तारन्ताः संवैधानिक परिषद् मुँज्या स्थगित जुइधुंकाः सरकारं म्हिगः राष्ट्रपतियात संवैधानिक परिषद्सम्बन्धी अध्यादेश जारी यायेत सिफारिस याःगु खः ।
व धुंकाः राष्ट्रपतिं अध्यादेश जारी यानादीगु खः । उगु अध्यादेशय् परिषद् मुँज्याया लागिं गणपुरक ल्याः स्वम्ह दुसां गाइगु न्ह्यथनातःगु दु ।
थ्वयां न्ह्यः मुँज्या च्वनेत परिषद् नायः व म्ह्वतिं प्यम्ह उपस्थित दयेमाःगु प्रावधान दुगु खः।
Categorized in राजनीति
