नेपाली फुटबल टोलि छेँय् लिहांवल
मलेसियाय् क्वचाःगु एएफसि सोलिडारिटि कप फुटबलया उपाधिलिसें नेपाली फुटबल टोलि थःगु देशय् लिहांवःगु दु ।
 
थौं बहनी देशय् थ्यंगु टोलियात अखिल नेपाल फुटबल संघ एन्फां विशेष लसकुस याःगु दु । टोलियात लसकुस यायेत विभागीय मन्त्री, राष्ट्रिय खेलकुद परिषदया पदाधिकारी, एन्फाया पदाधिकारीपिनिगुलिसें तःधंगु ल्याखय् फुटबल समर्थकत त्रिभुवन अन्तर्राष्ट्रिय विमानस्थल थ्यंगु खः ।
 
कासामितयत नेपाली सेनाया गाडिइ तयाः बायन्डबाजंलिसें देय् चाःहुइकूगु खः । विमानस्थलं टोलियात गौशाला जुयाः, पुलां बानेश्वर, मयति, पुतलीसडक, घण्टाघर, सहीदगेट, न्यूरोड, न्हूपुखू, दरवारमार्गं हाकनं सहीदगेट, त्रिपुरेश्वर, थापाथलि, पूच्व, मंगः, ग्वार्को जुयाः साटदोबाटो एन्फा कम्प्लेक्स थ्यंकूगु खः ।
 
म्हिगः मंगलबाः नेपालं मकाउयात १/०  गोलं बुकाः एएफसि सोलिडारीटि कप उपाधि त्याकूगु खः ।
Categorized in कासा