२०७९ मङ्सिर २१, बुधबार

न्यूयोर्कय् नं न्हूदँ हन

लहनान्यूज | कछलाथ्व पारु ११३८ (अक्टोबर २०, २०१७)

नेवाः नखः न्यूयोर्कया ग्वसालय् अमेरीकाया न्यूयोर्कय् न्याक्वःगु मंकाः म्हपुजा ज्याझ्वः क्वचाःगु दु । 
 
संस्थाया सल्लाहकार अजय मान छोचुं पुजा बिधि न्ह्याका दीगु  खः ।
 
मूछ्याञ्जे भाजु महेन्द्र वीर बज्राचार्यं संस्थाया गतिबिधि बारे जानकारी बियादीगु खः । अमेरिकाया न्यूयोर्कया मेयर बिल डे ब्लाजिओं नेवाः नखः न्यूयोर्कयात छ्वयाहःगु न्हूदँ ने. सं. ११३८ व म्हपुजाया भिंतुना पौ संस्थाया छ्यान्जे डा. नरेशमान शाक्यं ब्वनाः न्यंकादिल।
 
ज्याझ्वलय्नेवाः नखः न्यूयोर्कया नि. नायः भाजु राजा शाक्यजुं पाहांपिंत लसकुस यानादीगु खः । अथे हे संस्थाया न्वकू बिष्णु मान प्रधानं ज्याझ्वलय् ब्वति कयादीपिं पाहांपिंत सुभाय् देछानादीगु खः ।
 
थुगु हे ज्याझ्वलय् नेपाल सम्बत ११३८ न्हूगु दँया क्यालेन्डर नं उलेज्या जूगु खः । नेपाल मिसनया बाणिज्य दूत कृषु क्षेत्रीं क्यालेन्डर उलेज्या यानादिल।
 
 
थ्वयां न्ह्यः ने. सं. ११३७य् नं नेवाः नखः न्यूयोर्कं क्यालेन्डर पिथंगु दुगु खः । उगु क्यालेन्डर अमेरिकाय् पिदंगु न्हापांगु नेवाः क्यालेन्डर खः ।
 
नेवाः भाय्, नखःचखः व संस्कृतिया संरक्षण व प्रबर्द्धन यायेत धकाः २०११य् न्युयोर्कय् स्थापना जूगु नेवाः नखः न्यूयोर्कं स्थापनाकालनिसें हे थी थी ज्याझ्वःत न्ह्याका वयाच्वंगु दु ।
Categorized in राष्ट्रिय