न्हूदँया भिन्तुना
- जनकवि दुर्गालाल श्रेष्ठ
भिंतुना दु भिंतुना
न्हूदँया भिंतुना !
ने.सं. भिंछसः स्वीन्हयदँया भिंतुना ।।
नेपाल संवत् नेपाःया न्हाय्
स्वतन्त्र देयया गौरव ध्वाँय्
थःगु थपायजिगु दयेकं धन
झीपिं फ्वगिं जुइगु हे छाय्
छाय् धया बाबा छाय् धया हां
सिन्हाय् झीसँ छुइगु हे छाय्
मनू जुयाः म्वायेफयेक नं
प्यपां चुयाः झी जुइगु हे छाय्
नेपाः झीगु मंकाः देय्
स्वैगुं यकःति जुइमखु रे
ज्यान बियाःसां नेपाः देय्
मंकाः यानाः ल्यंकातये
विश्वय् सकसियां ल्वःवंक
नेपाः झलल च्वंकातये
जिमिगु थ्वहे खः न्हां उद्गार
न्हायपं चायेकाः न्यं सरकार
खबरदार ! न्हां मखुसा वइ
अवश्य वइ जनक्रान्तिया उभार
