पटका मुइकुगुया हुनिं न्हू दिल्ली जुल हलिंया हे दक्वःलय् अप्वः प्रदुषित शहर
कछलाथ्व द्धितीया ११४२, कार्तिक २० शनिवाः
भारतया राजधानी न्हू दिल्ली हलिंया हे दक्वःलय् अप्वः प्रदुषित वायु दूगु शहर जूगु दु ।
वंगु बिहीबाः चान्हय् लक्ष्मीपूजा व दिपावालीया लसताय् मुइकुगु पटकाया हुनिं दिल्लीया वायुलय् प्रदुषणया मात्रां खतराया तह पार याःगु बीबीसीं न्ह्यथंगु दु । म्हिगः सुथय्निसें दिल्लीया सर्ग कुँ त्वपूगु दुसा दिल्लीया एयर क्वालिटी इन्डेक्स (एक्वुआई)४सः व ५१गू थ्यंगु दु ।
सरकारं पटाका मुइकेत प्रतिबन्ध तःसा नं उकिया कार्यान्वयन जुइ मफूबलय् दिल्ली लिसें भारतया मेगु शहरय् नं वायु प्रदुषण अप्वःगु भारतीय सञ्चारमाध्यमतयेसं न्ह्यथंगु दु । स्विट्जरल्याण्डया एक्युएआइआरया कथं म्हिगः न्हिने दिल्लीया एयर क्वालिटी इन्डेक्स ३सः व ९२गू थ्यंगु दु ।
एक्वुआई ५० गू बाँलाःगु नालेगु याः । ० निसें सच्छि तक्कयात मोडरेट नालेगु याः । एक्वुआई सच्छि व ५०गू तक्क थ्यनिबलय् संवेदनशील पुचःयात अस्वस्थकर जुइ । २सः तक्क थ्यंसा सकसिया नितिं अस्वस्थ जुइ ।
एक्वुआई ३सः थ्यंगु धइगु जोखिमपूर्ण खः । ३सः सिवें अप्वः थ्यंगु धाःसा घातक खः ।
Categorized in अन्तर्राष्ट्रिय
