पत्रकारिता तालिम ज्याझ्वः क्वचाल
लहनान्युज | सिल्लाथ्व पंचमी ११३९ (मार्च ११ २०१९)
पत्रकारिता ख्यलय् मिसातय्गु ल्याः अप्वयेका यंकेगु तातुनाः येँ महानगरपालिका व नेवाः मिसा दबूया मंकाः ग्वसालय् झींन्यान्हुया तालिम क्वचाःगु दु ।
नेवाः मिसा दबूया नायः रश्मिला प्रजापतिया सभाधक्ष्यतायु जुगु उगु ज्याझ्वलय् नेवाः मूपाहाँ कथं येँ महानगरपालिकाया उपमेयर हरिप्रभा खड्गी श्रेष्ठ झायादीगु खः ।
ज्याझ्वलय् उपमेयर खड्गीं तालिम कयादीपिं सकलसित दसिपौ व प्रशिक्षकपिन्त मतिना चिं नं लःल्हानादीगु खः ।
थुगु तालिमं जीवनय् मदयेकं मगाःगु खँत सयेकेसिइके खंगुलिं थःपिं लयताःगु नापं थप न्ह्याःवनेत तसकं उत्साहित जूगुलिं थुज्वःगु तालिमत हानं हानं थाय्थासय् न्ह्याका वनेमाःगु खँ तालिमय् ब्वतिकयादीपिसं कनादीगु दु ।
बुखँ : नेवाः सूचना केन्द्र किपा : राजेन्द्र रञ्जित
