पत्रकार अजय देसार आक्रमणय् लानाः घाःपाः
लहनान्यूज | चौलागा चतर्दशी ११३७ (अप्रिल २५, २०१७)
नेवाः पत्रकार राष्ट्रिय दबू यल कचाया कार्यसमिति दुजः पत्रकार अजय देसारयात अज्ञात मनूतयसं आक्रमण याःगुया विरोध यासें नेवाः पत्रकार राष्ट्रिय दबू यल कचां विज्ञप्ति पिथंगु दु ।
आक्रमण याःपिं मालाः कडा कारवाही यायेत दबूया यल कचां माग याःगु दु । वंगु बैसाख ११ गते म्ह्याययात स्कूल तःवनाच्वंगु इलय् देसारयात थुकथं हमला जूगु खः ।
आक्रमणया याःपिन्सं यलया सातदोबाटोय् मोटरसाइकलं लँ पनाब्यूगु खःसा थुकिया कारण न्यनेवं इमिसं देसारयात दाःगु खः । म्ह्यायया रक्षा यायेगु झ्वलय् थःम्हं थःगु रक्षा तकं यायेमफुगु वयकलं कनादिल ।
थःत दायाच्वंगु इलय् हे पत्रकार देसारं आक्रमण याःपिंमध्ये बा.६३.प. ९८४ नम्बरया स्कूटर व स्कूटरय् च्वनाः वःपिनिगु किपा तकं कयादीगु खः । आक्रमणय् लानाः घाःपाः जूम्ह पत्रकार देसारया क्यामेराया लेन्स नं स्यंगु दु ।
विज्ञप्तिइ पत्रकार देसारया भिंउसाँयया कामना यासें पत्रकार सुरक्षाय् प्रशासन गम्भीर जुइत नं दबूया यल कचां माग याःगु दु ।
