पत्रकार तालिम न्ह्यात
नृपेन्द्रलाल श्रेष्ठ | चौलागा दुतिया ११३८ (अप्रिल २ २०१८)
नेवाः पत्रकार राष्ट्रिय दबू ग्वसालय् गोल्डेन डायमण्ड एण्ड ज्वलेरीया ग्वाहालिं थौं छगु पत्रकार तालिम जुगु दु ।
निन्हु यकं जुइगु उगु तालिमय् वरिष्ठ पत्रकार धर्मेन्द्र झा पाखें समाचार, संकलन व लेखन अथेहे पत्रकार सुरजबीर बज्राचार्यपाखें रेडियो निंति च्वयेगु व ब्बनेगु, वरिष्ठ पत्रकार गर्जूधन राई पाखें टेलिभिजनया लागि च्वयेगु व ब्बनेगु तरिकाया बारे तालिम बियादीगु खः ।
यलया ताम्रकार समाजया भवनय् जुगु उगु तालिमय् ३० म्ह मल्याक मनू तयेस ब्बति काःगु दु ।
कन्हेय अनलाइन पत्रिकाया बिषयलय् युवराज गौतम, केपी दुंगाना व वरिष्ठ पत्रकार धर्मेन्द्र झा पाखे तालिम बियादी ।
