पत्रकार महर्जनयात हना ज्याझ्वः
नृपेन्द्रलाल श्रेष्ठ | चौलागा त्रयोदशी ११३९ ( मे २ २०१९)
नेवाः पत्रकार राष्ट्रिय दबूया ग्वसालय् थौं छगु ज्याझ्वः यासें न्हुगुुु ज्वज्वलपा वाःपौंया प्रकाशक व सम्पादक जितेन्द्र महर्जनयात हना ज्याझ्वः याःगु दु ।
यलया ताम्रकार समाजया भवनय् याःगु उगु ज्याझ्वलय् नेपाल पत्रकार महासंघया केन्द्रिया दुजः जन्मदेव जैसी, नेपाल आदिवासी जनजाती पत्रकार महासंघया संस्थागत सचिव जगत डोङ्ग तामाङ्ग, पत्रकार दबुया नायः श्रीकृष्ण महर्जन, न्वकु नृपेन्द्रलाल श्रेष्ठ नाप दबूया दुजःपिन्स सिन्हं व खादा न्येकाहना दीगु खः ।
पत्रकार महर्जनयात २२ न्हु तक प्रहरी हिरासत लिपा वःगु मंगलवाः सर्बोच्च अदालतया उजं लिपा त्वःतुगु खः । जन्मदेव जैसीं निक्वल् तक तःगु रिटया सुनुवाइ लिपा दिपककुमार कार्की व हरिप्रसाद फुयालया मंका इजलासं महर्जनयात त्वःतुगु खः ।
पत्रकार महर्जनयात त्वतिगु लागि दबूया ग्वसालय् माइती मण्डलाय् छगु दवाव मुलक धर्ना ज्याझ्वः याःगु खः ।
उगु धर्ना ज्याझ्वलय् नेपाल पत्रकार महासंघ, नेपाल आदिवासी जनजाती पत्रकार महासंघ, क्रान्तिकारी पत्रकार महासंघ नाप दबू येँ, यल व ख्वप जिल्लाया दुजः पिनिगु उपस्थिति दुगु खः ।
