पत्रकार सम्मेलनय् ब्बतिकाम्ह सञ्चारकःमियात कोरोना
लहनान्युज | चौलाथ्व पारु ११४०
भारतया मध्य प्रदेशय् पत्रकार सम्मेलनय् सहभागी जुम्ह छम्ह सञ्चारकःमियात न कोरोना (कोभिड(१९) भाइरसया संक्रमण पुष्टि जुगु दु ।
मध्यप्रदेशया मुख्यमन्त्री कोमलनाथं थःगु पदं राजीनाया घोषणा यायेत ग्वःगु पत्रकार सम्मेलनय् ब्बति कावम्ह् उम्ह पत्रकार व वया म्ह्याय् यात तक संक्रमण खनेदुगु खः ।
उगु पत्रकार सम्मेलनया ग्वःसा ग्वःम्ह निवर्तमान मुख्यमन्त्री कोमलनाथ क्वारेन्टाइन च्वना च्वंगुु दु ।
उगु पत्रकार सम्मेलनय् नीसः स्वया अप्वो सञ्चारकःमिपिनिगु सहभागिता दुगु खः । उम्ह पत्रकार क्वारेन्टाइनय् वगु वा मवगु धाःसा स्पष्ट मजुगुनि ।
भारतय् आतक ५६२ म्ह स्वया अप्वो सिके कोरोना खनेदे धुकुगु दु । ११ म्हसिया ज्यान वने धुकुगु दु ।
