२०७७ माघ १३, मंगलबार

पन्जाबं कोलकातायात च्याःगु विकेटं बुकल

रमित | कौलाथ्व एकादशी ११४०,कार्तिक ११ मंगलवाः

आईपीएल क्रिकेट अन्तर्गत वःगु चान्ह्यः जूगु कासाय् किंग्स इलाभेन पन्जाबं कोलकाता नाइट राइडर्सयात च्याःगु विकेटं बूकुगु दु।
 
कोलकाता बिःगु १५० रनया लक्ष्य पन्जाबं १९ गु ओभरय् निगु विकेट गुमे याना उगु लक्ष्य पुरा याःगु खः। पन्जाबयात त्याकेगु लागि मन्दीप सिंह व क्रिस गेलं १०० रनया साझेदारी याःगु खः।
मन्दीप सिंहं नटआउट ६६ व क्रिस गेलं ५१ रन दयेकूगु खः। न्यागु छक्का व निगु चौका थ्वाना गेल म्यान अफ द म्याच जुगु खः।
 
दुबईलय् जुया च्वंगु आईपीएलया १३ क्वःगु संस्करणय् पन्जाबया थ्व खुक्वः त्याये धुकुगु दु सा कोलकाता थ्व नाप खुक्वः बुइ धुकुगु दु। थुगु कासा लिपा पन्जाब १२ अंक नाप अंक तालिकाय् प्यःगु थाय् लाःगु दु।
 
टस बुया न्हापा ब्याटिङ याःगु कोलकाता नाइट राइडर्स नं निर्धारत २० ओभरय् गूगु विकेट गुमे याना १४९ रन दयेकूगु खः। शुभमन गिलं अर्धशतक दयेकुगु खः। कोलकाताया लागि गिल बाहेक अलावा कप्तान इयान मोर्गन व लकी फर्ग्युसनं बालाक्क म्हितुगु खः। मेपिन्स धाःसा बालाक्क म्हिते मफुत।
 
शुरुवाती निगु ओभर म्हितुगु इलय् स्वगू विकेटय् १० रनया अवस्थाय् गिल व फर्ग्युसनले ८१ रनया साझेदारी याःगु खः। गिलं ५७ रन दयेकूगु खः। गूगु नम्बरय् ब्याटिङ याःवम्ह फर्ग्युसनं १२ बलय् नटआउट २४ रन दयेकूगु खः। व स्वया न्ह्यः मोर्गनं २५ बलय् ४० रन दयेकूगु खः।
 
पन्जाबया लागि मोहम्मद शामीं ३ विकेट काःगु खः। क्रिस जोर्डन व रबि बिश्नोई न निगु निगु  व ग्लेन म्याक्सवेल व मुरुगन आश्विन छगु छगु विकेट काःगु खः।
Categorized in कासा