पाटन अस्पतालय् कोरोना छम्ह मन्त
लहनान्युज | गुंलागा ८ ११४०, साउन २८ बुधवाः
वःगु चान्ह्यः यलया पाटन अस्पतालय् वासः याका वयाच्वम्ह जनकपुरया ३८ दँया मिसा मदुगु दु धका अस्पतालं धाःगु दु ।
वःगु साउन १८ गते अस्पताल भर्ना जूम्ह उम्ह मिसा आईसीयूय् वासः याका वयाच्वम्ह खः । वयाःगु वासः याकेगु झ्वलय् चान्ह्य मदुगु खः ।
स्वास्थ्य तथा जनसंख्या मन्त्रालयय् थुकिया बारेय् नियमित पत्रकार सम्मेलनय् जानकारी बिइ ।
आः तक ४ लाख ६२ हजार ६९८म्हेसिगु पीसीआर परीक्षण याये धुकगुलि २३ हजार ९४८म्हेसित कोरोना पुष्टि जुइ धुकुगु दु ।
उकि मध्ये १६ हजार ६६४ म्ह वासः याना छेँय् लिहा वने धुकुगु दु । आःतक ७ हजार २०१ म्ह आइसोलेशनय् दु धका मन्त्रालयं जानकारी बिःगु दु ।
