२०८० चैत्र १६, शुक्रबार

पार्टी एकताय् घाः लाइगु ज्या मयाये : माधव नेपाल

लहनान्युज | चौलागा चतुर्दशी ११४०, बैसाख ९ मंगलवाः

नेपाल कम्युनिस्ट पार्टी (नेकपा) या वरिष्ठ नेता माधवकुमार नेपालं पार्टी एकताय् घाः लाइगु ज्या मयायेत इनाप याःगु दु ।
 
 
विकसित गुलि न घटनाक्रमय् पार्टी दुने गुलि न आशंका व च्युता ब्बलनेगु ज्याय् पार्टी दुने भावनात्मक रुपं एकतावद्ध दयेक जिम्मेवारीया नाप न्ह्यने वने माः व पार्टीया विधिया आधारय् सहमति, समझदारी व भलसा कया न्ह्यने वने माःगु व थःथःगु थासं फुगु योगदान यायेत आह्वान न यानादिगु दु ।
 
नेपाल कम्युनिस्ट पार्टीया ७१ क्वःगु स्थापना दिवसया लसताय् वयकलं पिथःगु वक्तव्यय् ‘व्यक्तिवाद, संकीर्ण स्वार्थ, व्यक्तिगत आग्रह वा अहमपाखे व छु न आक्रोश, भावावेश वा अनावश्यक आशंका व अविश्वासपाखे प्रेरित वा प्रभावित मजुसे पार्टी एकताय मर्म, भावना व उद्देश्यं न्ह्यावनेगु झीगु सकसिगु दायित्व ख ।’
 
सरकारं हःगु उगु अध्यादेशयात उल्लेख हे मयासे वयकलं पार्टी व सरकार कोरोना महामारीइ केन्द्रित जुइ माःगुलि बः बियादिगु दु । कोरोनां नेपालयात आक्रान्त याना च्वंगु दु धका धयादिसे वयकल ‘थुगु विषम परिस्थितिइ सरकार पार्टी गन न थःगु मूल जिम्मेवारीपाखे ध्यान मेथाय् मछ्वसे, संविधान व कानूनी शासनया मान्यताय् प्रहार यायेगु, अविश्वास व आशंका मयायेत जुइगु पार्टी एकता् घाः मलाकेसे ज्या जुइ माःगुलि बः बियादिगु दु ।
 
 
 
Categorized in राजनीति