२०८० चैत्र १६, शुक्रबार

पार्टी फुटे यायेगु षड्यन्त्रं अध्यादेश हःगु खः, समाजवादी पार्टी

लहनान्युज | चौलागा चतुर्दशी ११४०, बैसाख ९ मंगलवाः

समाजवादी पार्टीं सरकारं सोमवाः हःगु राजनीतिक दलसम्बन्धी व संवैधानिक परिषद सम्बन्धी अध्यादेश राजनीतिक पार्टी फुटे यायेगु षड्यन्त्र हःगु आरोप लगे याःगु दु ।
 
थौं मंगलवाः अध्यक्ष उपेन्द्र यादवं पिथगु विज्ञप्तिं राजनीतिक पार्टीपिन्त सत्ता–शक्ति, पद व आर्थिक चलखेल याना फुटे यायेगु षड्यन्त्रं उगु अध्यादेश हःगु धका धयादिगु दु । थुकिइ  देशय् राजनीतिक अस्थिरता हइगु व लोकतन्त्रयात सिधेकिइगु देशय् तधःगु दुर्घटना हयेफु धका यादवया विज्ञप्तिइ धया तःगु दु ।
 
अध्यादेशं नेपाली जनतायाःगु तधःगु त्याग, संघर्ष व बलिदानपाखे वःगु संघीयता, लोकतन्त्र, गणतन्त्र व समावेशीतायात धरापय् तया देशय् द्वन्द्व व अस्थिरतापाखे घ्वाइगु धका समाजवादी पार्टी धाःगु दु । 
 
कोरोना महामारीं जनताया जीवन रक्षा यायेगु लोकतन्त्रया रक्षा व राष्ट्रिय हितया लागि सरकारी कदमया विरोध यायेत समाजवादी पार्टीं इनापा याःगु दु ।
 
 
 
Categorized in राजनीति