पीएसजी बुगु कासाय् नेयमार नाप न्याम्ह खेलाडीयात ह्याःगु कार्ड
पेरिस सेन्ट जर्मन (पीएसजी) बुगु कासाय् नेयमार नाप छगु हे कासाय् न्याम्ह खेलाडीयात रेड कार्ड न्यःगु खः । लिग वान अन्तर्गत आइतवा चान्ह्य जुगु कासाय् मार्सिं नाप पीएसजी १–० गोलं बुगुलि नेयमार  नाप न्याम्हेसित कासामियात रेड कार्ड क्यःगु खः । 
 
कोरोना भाइरस संक्रमण लिपा मैदान लिहावःगु ब्राजिलियन स्ट्राइकर नेयमार कासाया इन्जुरी इलय् ह्याःगु कार्ड नया मैदान पिहा वःगु खः । कासाया न्हापागु हाफय् १–० गोल ल्युउने लागु पीएसजी निगु हाफया इन्जुरी इलय् च्याम्ह खेलाडी सीमित जुया कासा क्वचाःगु खः । 
 
कासाया लियागु इलय् अर्जेन्टिनी जोडी डारियो बेनेडेटो व लिआन्ड्रो पेरेडेस दथुइ ल्वापू जुया कासा तसक तनाव ग्रस्त जुगु खः । उगु ल्वापु नियन्त्रिणय् मवया रेफ्रीं बेनेडेटो व पेरेडेस दोहोरो म्हासुगु कार्ड नया मैदान न पिहा वये माःगु खः ।
 
अथेहे नेयमारं स्पेनीस डिफेन्डर अल्वारो गोन्जालेजा नाप छेँयनय् दागुलि वयात न रेफ्रीं भीआरकोया ग्वाहालि ह्यागु कार्ड नःगु खः । थ्व स्वया न्ह्य न पीएसजीका लेभिन कुर्जावा व मार्सिलेका जोर्डन अमावीयात ह्याःगु कार्ड क्यःगु खः । 
 
छकः इनाप याःगु रेफ्री जेरोम ब्रिसार्डं कुर्जावा व अमावीयात तपिक हे ह्याःगु कार्ड क्यःगु खः । वया लिपा मार्सिलेया गुम्ह कासाम्हि व पीएसजीया च्याम्ह कासामि सिमित जुग खः । 
Categorized in कासा