२०८० चैत्र १६, शुक्रबार

पुथ्वी नारायण राष्ट्रिय एकताया प्रतिक मखु –आहुति

नृपेन्द्रलाल श्रेष्ठ | पोहेलाथ्व सप्तमी ११३९ (जनवरी १३ २०१९)

नेवाः ग्वाहालि पुचलं थौं छगु ज्याझ्वः दथुइ न्हुदँ ११३९ या लसताय् म्हिगः शनिवाः  भिंतुना कालबिल ज्याझ्वः यागु दु ।
 
उगु ज्याझ्वःया मूवक्ता कथं च्वमि नाप बिचारक बिश्वभक्त दुलालं (आहुति) पुथ्वी नारायण राष्ट्रिय एकताया प्रतिक मखु धयादीसे म्हिगः शाहा जुजुुपिन्स थःगु पक्षय् इतिहास च्वका तःगुनि धाःथे राष्ट्रिय एकताया प्रतिक खःथे च्वःगु खः धका धयादीगु खः । पुथ्वी नारायण शाहनं थःत गुबलय् नेपाःमि धका मधासे गोर्खाली धका धायेगु याना च्वंगुनि थ्व नेपाः एकिकरण मजुसे गोर्खा राज्य बिस्तार खः धका थःगु खँ तयादीगु खः ।
 
 
अथेहे मूवक्ता आहुतिं थन स्वनिगः दुने नेवाः तयेगु कला संस्कृति मथुपिन्स शासन यान च्वगुनि थःपि गयेयाना सम्पति मुकिगु जक ध्यान तया च्वंगुनि सतक बिस्तारया नामय् नेवाः तयेगु कला संस्कृतिया स्यंका च्वंगु न धयादीगु खः ।
 
 
उगु ज्याझुवलय् मूपाँहा कथं गजल च्वमि भुषणप्रसाद श्रेष्ठं वल्र्ड बडि बिल्डिङ्ग च्यापियन महेश्वर महर्जनयात हनापौ लःल्हासे सम्मान यानादीगु खः । ज्याझ्वलय् सतक बिस्तार पिडिकया संयोजक सुमन साय्मि न थःगु नुगः खँ तयादीगु खः ।
 
Categorized in राष्ट्रिय