पुलांम्ह जुजु सिंगापुरपाखे
लहनान्यूज सम्वाददाता | कछलाथ्व नवमि ११३७ (नोभम्बर ९ २०१६)
निजी भ्रमणया झ्वलय् पुलांम्ह जुजु ज्ञानेन्द्र शाह थौं सिंगापुर झाःगु दु ।
पुलांम्ह जुजु शाह लिसें वय्कःया निजी सचिव सागर तिमल्सिना नं उखे झाःगु दु । सिंगापुरय् छुं दिं च्वनेधुंकाः शाह भारत झाइगु धाःगु दु ।
छुं दिं न्ह्यः शाहया स्वकीय सचिव तिमल्सिना भारत वनाः नापलायेगु व मेमेगु ज्याझ्वःत क्वःछिनादीगु खः । सिंगापुरं पुलांम्ह जुजु शाह भौ हिमानी शाहलिसें भारत झाइगु धाःगु दु ।
हिमानी धाःसा छुं दिं न्ह्यः हे सिंगापुर झायेधुंकूगु दु ।
भारतय् पुलांम्ह जुजु शाहं छुं राजनीतिक मनूतयत नापलाइगु उच्च स्रोतं दाबी याःगु दु । शाहं धाःसा भ्रमण व नापलायेगु ज्याझ्वःयात तसकं हे गोप्य तयादीगु दु ।
Categorized in राजनीति
