पेट्रोलियम पदार्थया भाः थहा वन
लहनान्युज | गुंलागा १२ ११४०,साउन ३२ आइतवाः
नेपाल आयल निगमं पेट्रोलियम पदार्थया भाः थकाःगु दु ।
थौं चान्ह्यया १२ बजेनिसे लागू जुइ कथं डिजेल, पेट्रोल व मचिकंया भाः छगु लिटरय् छतका थकाःगु दु धका निगमया प्रवक्तां धाःगु दु ।
अगस्ट १६ य्् भारतीय आयल कर्पोरेसनपाखे न्हुगु भाः वःगु कथं इन्धन भाः थः कायेत निगम बाध्य जूगु धका प्रवक्तां धाःगु खः ।
न्हुगु भाः समायोजन लिपा डिजेल व मचिकंया भाः छगू लिटरया ९१ तका व पेट्रोल छगु लिटरया १०५ तका थ्यःगु दु धका निगमं धाःगु दु ।
हवाई इन्धन व ग्यासया भाः धाःसा यथावत हे जूगु दु धका प्रवक्ता धाःगु दु ।
