पोल्यान्डया राष्ट्रपतियात कोरोना संक्रमण पुष्टि
रमित | कौलाथ्व अप्टमी ११४०,कार्तिक ८ शनिवाः
पोल्यान्डया राष्ट्रपति आन्द्रे डुडायात कोरोना भाइरसया संक्रमण जूगु दु।
पोल्यान्डया राष्ट्रपति कार्यालय सम्बन्धी मन्त्री ब्लाजेज पिचाल्सकी न शनिवाः राष्ट्रपति डुडायात कोरोना खनेदुगु धका जानकारी बिःगु खः।
राष्ट्रपतियात म्हिगः शुक्रवाः परीक्षण याःगुलि कोरोना पोजिटिभ खने दुगु धका धाःगु खः। राष्ट्रपतिया स्वास्थ्य धाःसा बालागु अवस्था दु धका धाःगु दु।
पोल्यान्डय् कोरोना संक्रमण तीव्र रुपं फैलै जुगु इलय् राष्ट्रपति डुडायात न संक्रमण खनेदुगु खः।
शुक्रवाः जक पोल्यान्डय् १३ हजार ६ सय यात कोरोना संक्रमण पुष्टि जूगु खः। पोल्यान्डय् शुक्रवाः १५३ म्ह कोरोनां सीगु खः। पोल्यान्डय् आःतक कोरोनां सीपिं आःतक ४ हजार १७२ म्ह थ्यःगु दु।
Categorized in अन्तर्राष्ट्रिय
