प्याज थिकेक मिइम्ह ब्यापारीयात कारवाही
लहनान्युज | ञंलागा १४ ११४०,भाद्र ३१ बुधवाः
भारतं प्याज निर्यातय् रोक लगे याःगुलि नेपालय् प्याजया भाः छकल थहा वःगु खः । थज्याःगु ज्याये संलग्न जुम्ह छम्हेसित बुधवाः बल्खु बजारय् छम्ह व्यवसायीयात ज्वःगु दु ।
येँ महानगरपालिकाया अनुगमन टोलीं अप्वो भावं प्याज मिइगुलि सुनिल केसीयात नियन्त्रणय् काःगु खः । उगु टोलीं कानुनी कारबाहीया लागि केसीयात महानगरीय प्रहरी वृत्त, कालिमाटीयात जिम्मा बिःगु खः ।
वयागु पसलं दुई सय ४० बोरा प्याज बरामद याःगु खः । अनुगमनया झ्वलय् वाणिज्य विभागं मेगु न्ह्यःगु पसःयात न हाजिर जुइ कथं जरिवाना पुलेगु पूर्जी काट याःगु दु ।
उमिसं छगु किलोया एक सय ३० रुपैयाँ प्याज मिइगु धका अनुगमन टोलीया छम्ह सदस्यं धाःगु खः । वःगु सोमवाः तक प्याजया भाः छगु किलाया ७६ रुपैयाँ थ्यःगु खः ।
Categorized in राष्ट्रिय
