नेकपा एमालेया अध्यक्ष केपी शर्मा ओलीं न्यागु दलीय गठबन्धनयात प्रतिगामीया संज्ञा बिउगु दु।

शनिबाः पार्टीया वडा अधिवेशन भर्चुअल विधिपाखे उलेज्या यासे अध्यक्ष ओलीं स्वलाया दुने न्यागु गठबन्धनया असली ख्वाः खनेदत धका धाउगु दु। ‘प्रतिगामी शक्तिपि आः गठबन्धनया नामय् वयाच्वंगु दु, थुकिइ छु न भ्रम मदु, दुविधाय् मदु, थ्व स्वलया दुने खने दुगु दु, देय् यात अस्थिरताय् यकेगु, देय् अग्रममनय् यके मबिइगु’ ओलीं धाउगु दु, ‘स्वेच्छाचारी, मनपरीतन्त्र देशय् लागू यायेत अनुशासनहीनता अराजकता राज्यस्तरपाखे याउगु थज्याउगु क्रियाकलाप झीसं खना हे च्वंगु दु, थ्व विपरीत लँ खः, प्रतिगामनपाखे याउगु लँ खः।’

आः प्रतिगामी गतिविधिया नेतृत्व न्यागु दलीय गठबन्धनं याउगु ओलीं द्धपः बिउगु दु। ‘कम्युनिस्ट आन्दोलन ध्वस्त यायेत, कम्युनिस्ट सरकार क्वथःगु, दक्षिणपन्थी जनविरोधी, दिशाहीन सरकार स्थापना यायेगु ज्या जुगु दु’ वयकलं धयादीगु दु। अध्यक्ष ओलीं वंगु असोज १५ व १६ गते जुगु विधान महाधिवेशन सर्वसम्मत रुपं जुगुलि विरोधीपि अज्जू चाःगु दु धका धाउगु दु।

Categorized in राष्ट्रिय