२०७७ माघ ८, बिहिबार

प्रहरी दयेकाबी धासें ठगे याःम्ह ज्वन

लहनान्यूज | सिल्लागा पंचमी ११३७ (फेब्रुअरी १५ २०१७)

थीथी मनूतयत प्रहरीइ जागीरय् तयाबी धकाः लखौं धेबा ठगे यानाजूम्ह छम्हेसित प्रहरीं ज्वंगु दु ।
 
प्रहरीइ जागीर नकाबी धकाः धेबा ठगे यानाजूम्ह मोरङ बेलबारीयाम्ह थौंकन्हय् किपुलिइ च्वनावयाच्वंम्ह प्रेम पुरीयात प्रहरीं ज्वंगु खः । पुरीं अनुसन्धान विभागया प्र.स.नि. पदय् जागीर नकाबी धकाः थीथी मनूतयके २ लाख निसें ७ लाख तका तक्क काःगु दुगु खः ।
 
मनूतयत अनुसन्धान विभागया प्र.स.नि पदयागु नियुक्ति पत्र कयाबी धकाः नियुक्ति पत्र मबीवं पिडितपिन्सं महानगरीय अपराध महाशाखाय् उजुरी तःगु खः । पिडितपिन्सं उजुरी तयेधुंकाः महाशाखां खटे जूगु टोलिं अनुसन्धान न्ह्याकाः पुरीयात झापा काकडभिट्टाय् ज्वंगु खः ।
 
आः आवश्यक अनुसन्धानया लागिं पुरीयात महानगरीय प्रहरी परिसर, टेकुइ छ्वःगु दु ।
Categorized in अपराध