प्रिमियर लिगय् म्यान सिटी व लिभरपुलया कासा ज्वलिंज्व
ञलागा द्वादशी ११४१, असोज १८ सोमबाः
इंग्लीश प्रिमियर लिग फुटबलय् उपाधि दावेदारत म्यान्चेस्टर सिटी व लिभरपुलं २गू–२गू गोलया ज्वलिन्ज्वः म्हितुगु दु ।
थःगु हे मैदानय् जूगु कासाय् निक्वःखुसिइ अग्रता ल्यंके मफूबलय् लिभरपुलं सिटीलिसे ल्याः इउँगु खः । कासाय् लिभरपुलया नितिं सादियो माने व मोहोम्मद सालाहं छगू छगू गोल याःगु खः ।
सिटीया फिल फोडेन व केभिन डे ब्रायनं निगू गोल याःगु खः । निगू दावेदार टोलीतये थ्व ज्वलिन्ज्वःलिपा मेगु दावेदार चेल्सीयात लव चूलागु दु । जारी लिगय् लिभरपुल ७गू कासां १५गू ल्याः मुना निगूगु थासय् दु ।
उतिग्यंक कासां १६गू ल्याः मुंगु चेल्सी शिर्ष थासय् यथावत दूबलय् ३गूगु थाय्या म्यान्चेस्टर सिटीया १४गू ल्याः जूगु दु ।
प्रिमियर लिगय् वंगु चान्हय्सिया मेगु कासाय् टोटनह्याम हट्सपरं एस्टन भिल्लायात २गु–१गूया गोल अन्तरं बुकुबलय् क्रिष्टल प्यालेस व लेस्टर सिटीं २गू–२गू गोलया ज्वलिन्ज्वः म्हितुगु दु ।
थथेहे ब्रेन्टफोर्डं वेष्ट ह्याम युनाइटेडयात २गू–१गूया गोल अन्तरं बुकुगु दु ।
Categorized in कासा
