इंग्लीश प्रिमियर लिग फुटबलय् आर्सनलं वेष्ट ह्याम युनाइटेडयात २–० गोल अन्तरं बुकूगु दु ।

वंगु चान्हय् आर्सनलया मैदानय् घरेलु पुचःयात त्याकेबीत एमिले स्मिथ रोवे व ग्याब्रिएल मार्टीनेलीं छगोल छगोल याःगु खः । कासा त्याःगुलिसे आर्सनलं प्रिमियर लिग ल्याधलःया प्यंगूगु थासय् वेष्ट ह्याम युनाइटेडयात प्रतिस्थापन याःगु दु ।

आर्सनलं १७गू कासापाखें २९गू ल्या मुंकूगु दु । २८गू ल्या दयेकूगु वेष्ट ह्याम न्यागूगु थासय् कुहाँवंगु दु । शीर्ष थाय्या म्यान्चेस्टर सिटीया ४१गू ल्या दुबलय् ३७गू ल्यानाप लिभरपुल निगूगु अले ३६गु ल्यानाप चेल्सी स्वंगूगु थासय् दु ।

प्रिमियर लिगया मेगु कासाय् साउथह्याम्पटन व क्रिष्टल प्यालेसं २–२ गोलया ज्वलिंज्वः म्हितूबलय् वुल्भरह्याम्पटन वान्डरर्सं ब्राइटनयात १–० गोलं बुकूगु खः ।

बर्नले व वाट्फोर्डदथुइया कासा धाःसा कोरोना संक्रमणया हुनिं स्थगित याःगु दु ।

Categorized in कासा