प्रेस काउन्सिलपाखें चिनियाँ प्रतिनिधि मण्डलयात लसकुस
लहनान्यूज सम्वाददाता | थिंलाथ्व तृतीया ११३७ (डिसेम्बर २ २०१६)
प्रेस काउन्सिल नेपालं छगू ज्याझ्वः यासें चिनियाँ प्रतिनिधि मण्डलयात लसकुस लिसें अन्तरक्रिया याःगु दु ।
ज्याझ्वलय् प्रेस काउन्सिलया नायः बोर्ण बहादुर कार्कीं प्रतिनिधि मण्डलयात दोसल्ला न्ययेकाः लसकुस यानादिल ।
लसकुसया झ्वलय् कार्कीं शान्ति व विकासया नितिं नेपाःया संचार ख्यलं म्हितूगु भूमिका महत्वपूर्ण जूगु खँ न्ह्यथनादिल । कार्कीं चिनिया व नेपाःया संचार ख्यः दथुइ सहकार्ययात अझ प्रभावकारी दयेकेफःसा निगुलिं देशया नितिं उपलब्धीमूलक जुइगु खँ न्ह्यथनादिल ।
प्रधानमन्त्रीया प्रेस सल्लाहकार गोविन्द आचार्यं न्ह्याकादीगु ज्याझ्वलय् नेपाल–चाइना मिडिया फोरमया नायः किशोर श्रेष्ठ, चिनियाँ प्रतिनिधि मण्डलपाखें लु योङ्ग मिङ्गं नेपाः व चिनियाँ जनता दथुइ दयाच्वंगु बांलाःगु स्वापूयात कयाः चर्चा यानादीगु खः ।
Categorized in राष्ट्रिय
