फोनिजया तःमुँज्या क्वचाल
नृपेन्द्रलाल श्रेष्ठ | चौलागा अष्टमी ११३८ (अप्रिल ८ २०१८)
नेपाल आदिवासी जनजाति पत्रकार महासंघ (फोनिज)या निन्हु यक्कः येँ जुया च्वंगु खुक्वःगु तःमुँज्या क्वचाःगु दु ।
उपराष्ट्रपति नन्दबहादुर पुन उलेज्यायाना दिगु उगु तःमुँज्यां न्हुगु नेतृत्व ल्यया क्वचाःगु दु ।
डण्ड गुरुङ्गया नेतृत्व न्हगु ज्यासना पुचलय् गर्जुधन राई बरिष्ठ उपाधक्ष्य, लक्की चौधरी व देवीका धर्तीमगर उपाधक्ष्य, महासचिव मनोज धर्तीमगर, मिलन लिम्वु, जगत डोङ्ग तामाङ्ग कमन देवान सचिव जुयादीगु दु सा कोषाधक्ष्य अमरध्वज लामा व सहकोषाधक्ष्यय् अन्जना शिल्पकार लगायत दक्को पदाधिकारी सर्वसम्मत जुगु दु ।
अथेहे प्रदेश न.१ पाखें बिपिन राई, प्रदेश २ पाखें निरज पिठाकाटी, प्रदेश ३ पाखें समिर बलामी, प्रदेश ४ पाखें हुमबहादुर गुरुङ्ग, प्रदेश ५ पाखें देवबहादुर पचमैया, प्रदेश ६ पाखें अशोक राजी व प्रदेश ७ पाखें रामचन्द्र कुश्मी न निर्बिरोध निर्वाचित जुयादीगु खः ।
अथेहे संस्थागत दुजः पाखें नृपेन्द्रलाल श्रेष्ठ, सीताराम चौधरी, दिपेन्द्र राई, चन्द पन्दाक लिम्बु मनोज धर्तीमगर, अनिता गुरुङ्ग बिष्णुकुमार तामाङ्ग, व फुर्किमा शेर्पा नं निर्बिरोध निर्वाचित जुयादीगु खः ।
अथेहे दुजलय् सन्जु डोङ्ग तामाङ्ग, सरीता श्रेष्ठ, लक्ष्मी चौधरी व उषा तामाङ्ग नाप न्याम्ह मिजंपि दुजलय् निर्वाचनपाखें निर्वाचित जुगु खः ।
खुक्वःगु तःमुँज्याय् संस्थागत दुजलय् नृपेन्द्रलाल श्रेष्ठ, सहकोषाधक्ष्य अन्जना शिल्पकार, ३ प्रदेशया इन्चार्ज समिर बलामी व लेखा समितिया दुजलय् रुवि श्रेष्ठ निर्बिरोध निर्वाचित जुगु
खःसा धादिङ्ग सरीता श्रेष्ठ नाप न्याम्ह नेवाः पत्रकार त्याःगु दु ।